Zumarragan Liburu bat egingo dut

2018/04/23

Zumarragako Institutoko 2.DBHko ikasleekin izan gara, Zelai Aristi kultur etxean, Liburu bat egingo dut proiektuarekin.
Maite Mutuberriak liburu bat nola egiten den eta editoreen lanbidea, aski ezezaguna, irakatsi die.

Euskal Editoreen Elkartea, Euradio Nantes irrati katean

2018/03/29

Bolognako stand-ean elkarrizketatu gaituzte. Hona
esteka.

Hizkuntz aniztasuna ikusaraztea helburu duen lan taldeak hitz ederrak eskaini dizkigu esker oneko mezu honetan:

Boloniako Liburu Azoka 2018

2018/03/23

Boloniako Haur eta Gazteen Nazioarteko Liburu Azokaren 55.edizioa, martxoaren 26tik 29ra ospatuko da. Bertan izango dugu 22 C 39 Stand-ean euskal produkzioa. Aurten hamar euskal argitaletxeen liburuak izango dira ikusgai. Gainera, Mikel Valverderen Euskadi Saria irabazlearen, irudiak apainduko dute Euskal Stand-a.

Sarako Idazleen Biltzarra eta azoka apirilak 1 eta 2

2018/03/22

Sarako Idazleen Biltzarra aurten, apirilaren 1 eta 2an ospatuko da. Sarako Biltzarrak hartuko du antolamendurako lekukoa, Turismo bulegoaren ordez. Toki handiagoa eskaini nahi diote euskarari eta gazteen parte hartzeari. Euskal argitaletxeak ere bertan izango dira.
Gehiago jakiteko

Airakurri lehiaketako irabazlea

2018/03/06

Ander Deuna ikastolako June Marañon, Arizmendi Ikastolako Beñat Iñurrategi eta Arratia BHIko Izaro Izquierdo, ikasleen artean, eta, eztabaida gogotsua izan ondoren, Izaro Izquierdo sailkatu da.Izarok, Jasone Osororen Greta liburuaren iruzkina egin du.
Zorionak Izaro, eta, zorionak ere Arratia BHIko irakasleei! Albistea airakurri.com atarian

Airakurri-ko finalistak

2018/02/02

Airakurri lehiaketaren hiru finalistak aukeratu ditu Euskal Editoreen Elkarteko editore talde batek. Esan beharra dugu, Bizkaiako ikastexeak gogotsu aritu direla aurtengo edizioan. Ez da ahaztu behar, irabazlearen ikastexeak ere, saria jasoko duela, nola ez ba, liburu sorta ederra haien liburutegietarako.
Finalistak

Airakurri kanpaina martxan da berriro ere

2017/11/30

Euskal Editoreen Elkarteak antolaturiko Airakurri proiektuaren hirugarren
edizioa martxan da dagoeneko. Irakurzaletasuna sustatzen lagundu nahi
duen proiektu honetan, DBHko 2.mailako gazteek parte hartu dezakete. Irakurritako liburu baten iruzkina airakurri webgunean idatziz, abenduaren 20 arte

948 Merkatua Iruñean azaroaren 19ra arte

2017/11/17

948 Merkatua
Liburu, disko eta beste euskarrien argitalpen azoka Iruñean ospatuko da estreinakoz, azaroaren 15etik 19ra. Baluarten, goizez profesionalen stand-gunea eta hitzaldiak izan dira, azaroaren 15 eta 16an eta EEEa bertan izan da, Kulturklik-eko stand-ean. 17, 18 eta 19an, programazio artistikoak gune diferenteetan programatu dira eta Liburu azoka Autobus geltoki zaharrean, hantxe izango dira gure bazkide nafarrak, Igela, Pamiela, eta, Txalaparta

Jabetza Intelektualari buruzko ikastaroa

2017/09/27

Jabetza Intelektualeko Legearen azken berriak ezagutzeko ikastaroa antolatu dugu irailaren 29an, Zemoriako egoitzan. Egunean jarriko gaitu Sabatellini & Associats bulegoko Carlota Planas i Silva abokatu katalanak.