Komunikazio ez sexistan formakuntza editoreentzat

2017/09/21

Euskal Editoreen Elkartean genero ikuspegia lantzeko formakuntza antolatu dugu irailaren 22an, Donostiako egoitzan. Formakuntzak hainbat helburu ditu, besteak beste, profesionalak indarkeria sexistan eta berdintasun ezan sentsibilizatzea; genero ikuspegia txertatzearen garrantziaz kontzientzia sortzea; ikuspegi hori garatzeko gaitasunak lantzea eta, jada egunerokoan sortzen ditugun baliabideez ohartu eta estrategiak elkarbanatzea. Hau guztia Faktoria Lila taldeko Kattalin Miner kazetariak irakatsiko digu.

Euskal Liburuen katalogoak

2017/09/18

Euskal liburuak nazioartean sustatu eta eskubideak eskaintzeko asmoz, aurten ere katalogoak argitara eman ditugu. Euskal Irudigileak elkartearen kolaborazioari esker Eider Motxobek euskal irudigileak egin ditu aurtengo azalak. Horretaz gain, Etxepare institutoaren itzulpenetarako laguntzen berri ematen dugu.
Katalogo berriak

Donostiako liburu eta disko azoka

2017/06/29

Donostiako liburu eta disko nobedadeen azokako 42.edizioa, Bilboko Areatzan ospaturiko azokaren ondoren dator. Donostiakoa, ekainaren 30etik uztailaren 16ra ospatuko da aurten, Gipuzkoa Plazan, honako ordutegian: 11:00etatik 14:00etara eta 17:00etatik 21.00etara. Gainera, Liburutegi Nagusiko San Jeronimo aretoan, liburu aurkezpenak eta idazleekin topaketak antolatu dira.
Hurrengoak, Ondarru eta Zarautz izango dira. Ez gara irakurketa faltan egongo!

XVI. Iruñeko Liburu Azoka

2017/05/31

Maiatzaren 26tik ekainaren 4ra, Iruñako Liburu azoka ospatzen ari da Gaztelu Plazan. 10 liburudenden salmahaiak jarri dituzte kalean: Abarzuza, Arista, Auzolan, Chundarata, Elkar (comedias), Elkar, (Larraona), Katakrak, Nerea, Troa eta Walden. Gainera, errezitaldiak, hitzaldiak eta liburu aurkezpenak izanen dira.

Liburu bat egingo dut proiektuarekin Leitzan

2017/05/30

Leitzako Amazabal BHI-ko ikasleekin izan gara, Liburu bat egiten proiektua aurkezten. DBHko 2.mailako 30 ikasleen aurreran aritu da Txiliku. Liburuaren testu antolamendua, tipografiak, irudiak, azala, inprenta lana, liburuaren fitxa, isbna, lege gordailua……Ofizio ederra erakutsi diegu eta gustora etorri gara.

34. Sarako Idazleen Biltzarra

2017/04/12

Apirilaren 16 eta 17an, Sarako idazleen biltzarra eta liburu azoka ospatuko da. Egun horietan liburu salmenta eta izenpetzeak izango dira, goizeko 10:00etatik 18:30etara. Gainera, idazleen hitzaldiak, liburuak kontsultatzeko liburutegi txokoa, pausa lekua eta ostatu-taloa. Hau guztia, Sarako polikiroldegian. Biltzar 2017 egitaraua

54.Bolonia Haur eta Gazte Liburu Azoka

2017/03/31

Nazioarteko azoka garrantzitsuenean parte hartuko dugu aurten ere. Editoreak, idazleak, irudigileak, banatzaileak, agenteak, inprimatzaileak, Boloniara goaz, eskubideen salerosketak egitera, kontaktuak eta harreman profesionalak finkatzera, eta, haur eta gazteen liburuetan azken joerak ezagutzera.
Euskal produkzioa 29 B11 stand-ean erakutsiko dugu.
Bologna Children’s Book Fair

Orion izan gara Liburu bat egiten

2017/03/13

Liburu bat nola egiten den eta editorearen lanbidea ezagutarazteko tailerrak antolatu ditu Euskal Editoreen Elkarteak. Proiektua DBHko ikasleei zuzenduta dago eta bost herriko kultur etxeetan gauzatzen ari gara. Aurten, Orio, Usurbil, Ortuella, Amurrio eta Leitza. Orioko Salatxon aritu zen Txiliku aurreko astean.

Liburu bat egingo dut

2017/02/20

Beharbada noizbait etorriko zitzaizun burura ideia hori: liburu bat egingo dut! Berehala, ordea, pentsatuko zenuen liburua egitea gauza zaila dela. Eta, neurri batean, halaxe da, baina egin, egin dezakezu. Dena dela, eta lan horretan abiatu aurretik, hauek dira jakin beharreko hamaika gauza…..