Elkarteak eta Eusko Jaurlaritzak akordioa sinatu dute Euskadiko udal liburutegien sarean liburu digitalak mailegatzeko ereduari buruz.
Akordioa abian jartzeko, Jaurlaritzak 2014an 25.000 lizentzia inguru eskaini nahi ditu, horietatik 8.750 euskaraz.
Uztailetik aurrera egongo da online-garri.

Martxoaren 24tik 27ra Bolonia Azokan izango gara. Elkarteak stand bat jarriko du haur eta gazte liburu azoka garrantzitsu honetan. 29 pabilioian B/16 stand-ean sustapen materialez gain, euskal argitaletxeen erakusketa: Elkar, Erein, Ibaizabal, Igela, Ttarttalo eta Pamielaren liburuak egongo dira ikusgai. Baita, Elena Odriozolaren ilustrazioak ere.

Euskal Editoreen Elkarteak bazkide berria du, Gaumin argitaletxea, Naiara Ibar eta Fernando Morilloren apustu interesgarria.
Ongi etorri, Gaumin

Xabier Olarra itzultzaileari emango diogu 2013ko dabilen elea saria, Euskal Liburuaren Gaua ekitaldiaren ospakizunean, liburugintzaren alorrean ibilbide jakin bati egiten zaion errekonozimendu gisa.
Abenduaren 19an, arratsaldeko 7tan, Donostiako Victoria Club aretoan.(Lehiatilan jaso behar da sarrera).

Ikastaro profesionala antolatu dugu abenduaren 13rako. Esther Franch, edizio munduan esperientzia handia duen emakumea izango da edukien arduraduna.
Hau guztia, Gipuzkoako Ganbaran izango da, goizeko 9,30etatik 13,30etara. Inskripzioa elkartean nahitanahiezkoa da.

Urriaren 8tik 13ra ospatzen ari den Frankfurt Liburu azokan dira, aurten ere, euskal editoreak. Standean, guztira, 17 argitaletxeren lanak daude ikusgai. Ez bakarrik euren liburuak, baita elkarteak argitaratu dituen katalogoak ere.

Urriaren 2tik 6ra Madrideko Madrid Arena aretoan ospatuko da 31. Liber Azoka. Euskal Editoreen Elkartea bertan egongo da 0A04 mahaian euskal produktuekin.
Azokari buruz informazio zehatza hemen aurki daiteke

Donostiako Gipuzkoa Plazan ospatu da 38. Donostiako liburu Azoka, baina, uda aurrera doala beste plaza berritan irekiko dira azoka guneak, hurrengoa Ondarrun, gero Zarautzen….
Liburu azoken egutegia