Euskal Editoreen Elkartea Frankfurteko Liburu Azokan izango da, Frankfurter Buchmessen, urriaren 18tik 22ra.

Aurten, azokaren 75. urteurrena ospatzen da, eta liburugintzaren sektorea osatzen duten sektore guztientzako plataforma komertzial handiena da. Bertan, editoreak, liburu-saltzaileak, banatzaileak, grafikoak, agente literarioak, ilustratzaileak, egileak, itzultzaileak, inprimatzaileak eta argitalpen-munduko bitartekariak biltzen dira. 7.000 erakusketari eta 300.000 bisitari inguru hartzen ditu.

Erakusketarien eta azoka bisitatzen duten profesionalen helburu nagusia argitalpen-eskubideak salerostea da, eta, ildo horretan, Frankfurt nazioarteko fororik garrantzitsuena da, munduko egile-eskubideen urteko kontratuen % 80k hitzordu hori ixten dutela erakusten duen bezala.

Aurtengo herrialde gonbidatua Eslovenia izango da.

Euskal Editoreen Elkartea Frankfurter Buchmessen

Euskal Editoreen Elkarteak azokan parte hartuko du Basque.Books.-en aterkipean. Bertan, euskaraz argitaratzen duten enpresa hauek egongo dira: Alberdania, Elkar, Erein, Grupo Comunicacion Loyola, Ibaizabal, Ikaselkar, Pamiela,  Ttarttalo eta Txalaparta, zehazki.

Basque.Books-en stand kolektiboa, Stand 5.0 C43 izango da.

Gainera, Elkarteak, urriaren 19an, 16:00etan, mahai-inguru batean parte hartuko du, Slovenian Collective Stand 4.1, D56 aretoan. Mahai-inguru honen gaia “Internationalization of smaller literatures through EU projects” izango da.

Mahai-inguruan, Europako literatura txikienek Europako kultura-paisaiarentzat eta bibliografia-aniztasunarentzat duten garrantziaz hitz egingo da, eta editore txikienek nazioarteko ingurunean lekua nola egin dezaketen eta LITUP proiektuan hizkuntza gutxituekin eta txikiagoekin lan egiten duten editoreentzat antolatutako prestakuntza-ikastaroak azalduko dira.

Hizlariak Mirian Val (Valentziako editoreak), Idoia Noble (Euskal editoreak), Barbara Pregelj (Malinc argitaletxea) eta Polona Konjedic (Malinc) izango dira.